15 სექტემბერს ახალი სასწავლო წლის დაწყებასთან დაკავშირებით გიმნაზიის მოძღვარ-რექტორმა, გორისა და ატენის მიტროპოლიტმა ანდრიამ ეპარქიის სასულიერო დასთან ერთად გიმნაზიაში, ღირსი მამა გიორგი მთაწმინდელის ტაძარში პარაკლისი გადაიხადა, მოსწავლეებთან, მათ მშობლებთან და მასწავლებლებთან ერთად პარაკლისს ქ. გორის მერი, ბატონი ზურაბ ჯირკველიშვილი, საკრებულოს თავმჯდომარე ბატონი პაპუნა კობერიძე და გორის საგანმანათლებლო რესურს-ცენტრის უფროსი ბატონი ზურაბ ქარელი დაესწრნენ. პარაკლისის შემდეგ მეუფე ანდრიამ ყველას მიულოცა ახალი სასწავლო წლის დაწყება და გასული სასწავლო წლის წარჩინებულ მოსწავლეებს სიგელები გადასცა. მეუფე ანდრიამ განსაკუთრებით პირველკლასელები და მეთორმეტეკლასელები დალოცა და წარმატებული სასწავლო წელი უსურვა.
