ინგლისური ენის ოლიმპიადის BBG  Language 2011 – ის მეორე ტურში გიმნაზიის ცამეტი მოსწავლე მონაწილეობდა ( III-X კლ.).

23 დეკემბერს საშობაო არდადეგები დაიწყო პირველკლასელთათვის. გიმნაზიის დირექტორმა მამა ბორისმა(ნიჩიპეროვიჩი) მათ დამდეგი შობა-ახალი წელი მიულოცა, ლიტერატურულ-თეატრალური წრის წევრები კი პატარებს სპექტაკლით დაემშვიდობნენ.

23 დეკემბერს წმინდა ნიკოლოზის სახელობის IV კლასში მათემატიკური ვიქტორინა გაიმართა (პედაგოგი რუსუდან ოქროპირიძე). კონკურსში ბავშვებთან ერთად მშობლებიც მონაწილეობდნენ. ბავშვებმა წარმატებით გაართვეს თავი მასწავლებლის მიერ შეთავაზებულ დავალებებს. ჟიურიმ გამარჯვებული გუნდი გამოავლინა.

22 დეკემბერს წმ. მღვდელმთავარ გაბრიელისა და ღირსი იოანე ათონელის სახელობის I კლასის მოსწავლეები ერთმანეთს მათემატიკურ საშობაო ზღაპარში შეხვდნენ(პედაგოგი მანანა სირბილაძე).

2011 წლის 21 დეკემბერს გიმნაზიის IX - X კლასის მოსწავლეები, პედაგოგების: მანანა კაკაურიძის, იაკობ კვინიკაძისა და მარიკა კახიაშვილის თანხლებით, საქართველოს პარლამენტს და პრეზიდენტის სასახლეს ეწვივნენ. დაათვალიერეს და გაეცნენ სახელმწიფო მოღვაწეთა სამუშაო გარემოს. პრეზიდენტის სასახლეში გიმნაზიელებს სამახსოვრო საჩუქრები გადაეცათ.

გაიმართა  კონკურსის ,ჩვენ ვსწავლობთ ბიბლიას” შიდა საგიმნაზიო ეტაპი. კონკურსმა გამოავლინა გამარჯვებული გუნდები ორ ასაკობრივ ჯგუფში. ისინი  ბრძოლას შემდგომ ეტაპზე გააგრძელებენ.

10 დეკემბერს  გიმნაზიაში გაიმართა უკვე ტრადიციად ქცეული მშობელთა მიღების დღე.

6 დეკემბერს, ღირსი მამა გიორგი მთაწმინდელის გორის გიმნაზიაში, სამთავისისა და გორის მიტროპოლი ანდრიას კურთხევით, შედგა ფილოსოფიის დოქტორის, პარიზის წმ.ნინოს პირველი ქართული-მართლმადიდებლური ტაძრის დამაარსებლის, ვარშავის უნივერსიტეტის პროფესორის, წმიდა მღვდელმოწამე არქიმანდრიტ გრიგოლ ფწრაძის ხსოვნის საღამო.