2010_2011 სასწავლო წელს გორის სასწავლო უნივერსიტეტისა და გიმნაზიის ერთობლივი პროექტის ,,ვიმეგობროთ წიგნთან” ფარგლებში გაიმართა ოთხი შეხვედრა.
არდადეგების დადგომამდე, კიდევ ერთხელ შეხვდნენ ერთმანეთს სტუდენტები და ბავშვები. V-VI კლასის მოსწავლეები ვაჟა-ფშაველას, აკაკი წერეთლის, ილია ჭავჭავაძის შემოქმედებით ცხოვრებას და ნაწარმოებებს გაეცნენ. ბოლო შეხვედრა ცნობილ ქართველ პოეტთა მიერ წაკითხული ლექსების მოსმენასა და ამოცნობას დაეთმო. გამოვლინდნენ გამარჯვებული მოსწავლეები. გორის სასწავლო უნივერსიტეტის პროფესორმა, ქ. ელენე ხოჯევანიშვილმა პროექტში ,,ვიმეგობროთ წიგნთან” – აქტიური მონაწილეობისათვის სიგელები და სამახსოვრო წიგნები გადასცა თ. ინაურს, მ. მინდიაშვილს, გ. რაჯაბაშვილს ლ. ჯაფიაშვილს, თ. ხინჩიკაშვილს, ლ. ბურჯანაძეს.
პროექტი მომავალ სასწავლო წელსაც გაგრძელდება. სტუდენტებმა პროექტის მონაწილეებს საზაფხულო არდადეგებზე შესასრულებელი დავალებაც მისცეს.
