6 მარტს, ღირსი გიორგი ათონელის სახელობის მე-2 კლასში (კლასის ხელმძღვანელი ია ჯალალი) ჩატარდა ღონისძიება სახელწოდებით „გაზაფხულია, დედა“. მეორეკლასელები ზეიმით შეხვდნენ გაზაფხულის მობრძანებას. მათ წარმოადგინეს გაზაფხულისთვის დამახასიათებელი თავისებურებები. პატარებმა მოთხრობების, - თამარ ჩხეიძის „ორი საჩუქარი“ და სოფიო პროკოფიევას „არა, არ მოვიხდი ბოდიშს“, გმირები სცენაზე გააცოცხლეს. დედებს, მათთვის დაწესებული დღესასწაული, ლექსებითა და სიმღერებით მიულოცეს.
