25 თებერვალს ივერიის ყოვლადწმინდა ღვთისმშობლის ხატის დღესასწაულთან დაკავშირებით, წმ. იოანე ღვთისმეტყველის სახელობის I კლასის მოსწავლეებმა მოისმინეს ხატთან დაკავშირებული ისტორია. კლასის ხელმძღვანელის, ქეთევან კორაშვილის ორგანიზებით, პირველკლასელები დაესწრნენ ამ თემაზე შექმნილი ანიმაციური ფილმის ჩვენებას, რომელიც ბავშვთა და ახალგაზრდობის ცენტრში გაიმართა. ბავშვთა და ახალგაზრდობის ცენტრის კინოდარბაზში სტუმრობით მოსწავლეებმა განიმტკიცეს ცოდნა, გაეცნენ კინოში და საზოგადოებარივი თავშეყრის ადგილში მოქცევის წესებს და, ამასთან ერთად, დიდი სიამოვნება მიიღეს.
