2017 წლის 18 ნოემბრიდან 3 დეკემბრის ჩათვლით გამართულ ეროვნული სასწავლო ოლიმპიადაში გიმნაზიის 46 მოსწავლე მონაწილეობდა. წელს საშუალო საფეხურის მოსწავლეებთან ერთად გიმნაზიის მე-9 კლასელებმაც მოსინჯეს აკადემიური „ძალები“. ოლიმპიადის ტურს წინ უძღოდა საგნის მასწავლებლების მიერ ჩატარებული დამატებითი მეცადინეობები. პირველი ტურის შედეგების მიხედვით შემდეგ ეტაპზე ოლიმპიადის 37 მონაწილემ გადალახა 60%-იანი ბარიერი. გიმნაზიელები 2018 წლის იანვარში კვლავ გამოცდიან საკუთარ თავს ქართული ენისა და ლიტერატურის, ინგლისური და რუსული ენების, მათემატიკის, გეოგრაფიის, ფიზიკისა და ბიოლოგიის მეორე ტურში. წარმატებას ვუსურვებთ მასწავლებლებსა და მათ შეგირდებს!
