2023 წლის 20 მაისს წმ. ანდრია პირველწოდებულის სახელობის ქართულმა უნივერსიტეტმა თბილისის მოსწავლე-ახალგაზრდობის სასახლის 76-ე სასწავლო-კვლევითი კონფერენციის ფინალური ტურის მონაწილეებს უმასპინძლა.
კონფერენციაში საქართველოს საჯარო და კერძო სკოლების მოსწავლეები მონაწილეობდნენ. ღირსი მამა გიორგი მთაწმინდელის გორის გიმნაზის ღირსი გიორგი ათონელის სახელობის მე-10 კლასის მოსწავლის, თათია მაყიშვილის მოხსენება - „მდგრადი განვითარების მე-6 მიზანი - სუფთა წყალი და სანიტარია“, კონფერენციის ორგანიზატორებმა სხვა 11 მოსწავლის ნაშრომთან ერთად ქიმიის სექციის ფინალურ ეტაპზე წარსადგენად შეარჩიეს. თათია მაყიშვილი გიმნაზიის ნორჩ მკვლევართა კლუბის აქტიური წევრია. წყალთან დაკავშირებულ კვლევას კლუბის მეურვე და გიმნაზიის ქიმიის მასწავლებელი ნელი ნაოჭაშვილი ხელმძღვანელობდა. მომხსენებელმა და მისმა ნაშრომმა კონფერენციის შემფასებელი კომისიის მოწონება დაიმსახურა და თათია მაყიშვილს, მეორე ადგილის დაკავებისთვის, დიპლომი გადაეცა. ვულოცავთ თათიას და ქალბატონ ნელი ნაოჭაშვილს ამ მიღწევას სამეცნიერო სარბიელზე!
