2012 წლის 8 მაისს ღირსი მამა გიორგი მთაწმინდელის გორის გიმნაზიაში კონკურს „ჩვენ ვსწავლობთ ბიბლიას“  სანუგეშო ტური გაიმართა. კონკურსში მონაწილეობდნენ  ნორიოს საჯარო სკოლის,  თბილისის #94  საჯარო სკოლის, რუსთავის #4 საჯარო სკოლის, ვანის სამრევლო სკოლისა და ღირსი მამა გიორგი მთაწმინდელის გორის გიმნაზიის გუნდები. შეჯიბრის შედეგი კაპიტანთა კონკურსმა გადაწყვიტა - ტურის გამარჯვებული ვანის სამრევლო სკოლის გუნდი „ერთობა“ გახდა და სანუგეშო ფინალში გადავიდა.

21-22 და 28-29 აპრილს გიმნაზიაში ჩატარდა სწავლება მასწავლებელთათვის თემაზე „სასწავლო პროცესის დაგეგმვა, მართვა, შეფასება“.

2012 წლის 5 მაისს გიმნაზიაში მოსწავლეთა მათემატიკური ოლიმპიადა „გონიერის“ ფინალური ტური ჩატარდა. ფინალში 11 სასწავლებლის დაწყებითი კლასების 215 მოსწავლე მონაწილეობდა.  გამარჯვებულთა შორის პირველი ადგილი (10 ქულით) 7 მოსწავლემ დაიკავა, მეორე ადგილი (9 ქულით) – 16 მოსწავლემ, ხოლო მესამე ადგილი (8 ქულით) 30 მოსწავლემ მოიპოვა.  ვულოცავთ გამარჯვებულებს! 

26 აპრილს გიმნაზიის მგალობელთა გუნდი საერთაშორისო ფესტივალზე მონაწილეობის მისაღებად მიემგზავრება.  ბავშვთა და მოზარდთა გუნდები უკვე მეხუთედ იკრიბებიან წმინდა ტიხონის მართლმადიდებლური, ჰუმანიტარული უნივერსიტეტის მიერ ორგანიზებულ ფესტივალზე, რომელმაც საერთაშორისო სტატუსი წელს მიიღო.  მონაწილეობას იღებს  სხვადასხვა ქვეყნის რამდენიმე კოლექტივი. საქართველოს - ჩვენი მგალობელთა გუნდი წარმოადგენს. თხუთმეტ მოსწავლესთან ერთად მოსკოვში მიემგზავრება გიმნაზიის დირექტორი მამა ბორისი (ნიჩიპეროვიჩი), გუნდის ხელმძღვანელი ლელა მერაბიშვილი და პედაგოგი ლექსო ფსუტური.