14 სექტემბერს ღირსი მამა გიორგი მთაწმინდელის გიმნაზიაში სასწავლო პროცესი განახლდა. გიმნაზიაში მობრძანდა სამთავისისა და გორის ეპარქიის მიტროპოლიტი ანდრია. მან გიმნაზიის მოძღვართან, მამა იოანესთან და სხვა სასულიერო პირებთან ერთად სასწავლო წლის დაწყების წინ პარაკლისი გადაიხადა. დალოცა მოსწავლეები, მშობლები და მასწავლებლები. შეკრებილ საზოგადოებას წარუდგინა გიმნაზიის დირექტორის მოვალეობის შემსრულებელი დიაკვანი ბორისი (ვიჩიპეროვიჩი).
მეუფე განსაკუთრებული სიყვარულითა და დიდი სითბოთი გაესაუბრა პირველკლასელებს.
ამ სასწავლო წელს გიმნაზიას ღირსი იოანე ათონელის სახელობისა და წმინდა მღვდელმთავარ გაბრიელის სახელობის პირველი კლასები შეემატა.
