24 თებერვალს, წიგნის საჯარო კითხვის მსოფლიო დღე გიმნაზიაში პოეტ გიორგი მახარობლიძესთან ერთად აღნიშნეს. შეხვედრაში მონაწილეობდნენ გიმნაზიის უფროსკლასელები, მასწავლებლები და მშობლები. სტუმარი თავის საუბარში ისეთ საკითხებს შეეხო, როგორიცაა: კითხვა, მკითხველი, პოეზია, ლექსი... პოეტმა მსმენელებს საკუთარი ლექსები წაუკითხა, შემდეგ კი მოსწავლეები, მასწავლებლები და მშობლები ერთმანეთს ენაცვლებოდნენ და კითხულობდნენ რჩეულ ლექსებს გიორგი მახარობლიძის წიგნებიდან.
