2016 წლის 11 ოქტომბერს, წმ. მთავარანგელოზთა დასის სახელობის მე-3 კლასში ჩატარდა ქართული ენისა და ლიტერატურის შემაჯამებელი გაკვეთილი თემაზე „დავით IV აღმაშენებელი - მეფე მწიგნობარი“ (მასწავლებელი თეა
გოგიჩაიშვილი). გაკვეთილის მიზანი იყო ნასწავლი მასალის შეჯამებით მოსწავლეების დაინტერესება საქართველოს ისტორიით, მათში პატრიოტული გრძნობის გაღვიძება, მეფეთა ცხოვრების გაცნობა, ბიბლიოთეკასთან აქტიური თანამშრომლობის ხელშეწყობა. ამ მიზნის მისაღწევად მესამეკლასელებს „კლასის სტუმარი“ ეწვია - მასწავლებელი და ისტორიკოსი ქეთევან პარასკევაშვილი. გაკვეთილის ძირითადი აქტივობის - „ვიცოდი, გავიგე, რისი გაგება მაინტერესებს“ - შესრულების შემდეგ მოსწავლეებმა მათ მიერ ნასწავლი და მოძიებული ინფორმაცია შეაჯერეს და წარმოადგინეს ნახატები, ხოლო კლასის სტუმარმა მათთვის საინტერესო საკითხების შესახებ ამომწურავი ინფორმაცია მიაწოდა, რაც ადვილად გასაგები გახდა წიგნებისა და ციფრული მასალის დახმარებით.
