30 მარტს წმ.მღვდელმთავარ გაბრიელის სახელობის მე-4 კლასმა გიმნაზიის სცენაზე მხატვრულ-შემეცნებითი წამოდგენა დადგა (კლასის ხელმძღვანელი ნონა ხიდაშელი). წელიწადის დროების შესაფერისად გამოწყობილმა გოგო-ბიჭებმა ოჩოპინტრესთან და მაყურებელთან ერთად იმოგზაურეს დროში - ლექსით, სიმღერა-გალობითა და ცეკვით წარმოადგინეს საქართველოს ბუნების მრავალფეროვნება, საგაზაფხულო და საშემოდგომო საქმიანობები, საეკლესიო და სახალხო დღესასწაულები და ბოლოს უფლის აღდგომის დღესასწაულის მოახლოების სიხარული გაუზიარეს სტუმრებს.
