23-24 ოქტომბერს ჩვენს ქალაქში ტრადიციული საშემოდგომო ზეიმი „გორის დღეები“ გაიმართა. გორისა და ატენის მიტროპოლოტმა ანდრიამ და ქალაქ გორის მერმა ზურაბ ჯირკველიშვილმა შეკრებილ საზოგადოებას საზეიმო დღეების დაწყება მიულოცეს და იმიტირებულ ციხის კარიბჭეში ქალაქის სასულიერო და საერო ხელისუფალნი თანამოქალაქეებთან ერთად შებრძანდნენ. გორელებმა და ქალაქის სტუმრებმა დაათვარიელეს ოსტატთა მრავალფეროვანი მხატვრული ნაკეთობანი, ზოგადსაგანმანათლებლო სკოლების მიერ მოწყობილი გამოფენები, დაესწრნენ სპორტულ შეჯიბრებსა და კონცერტებს. ამჯერად, გიმნაზიელები მაყურებელთა წინაშე ქორეოგრაფიული ნომრებით წარდგნენ (ხელმძღვანელი თენგიზ დვალიშვილი). მოცეკვავეთა მიერ შესრულებულმა „ქართულმა“ და „აჭარულმა“ მაყურებელთა დიდი მოწონება დაიმსახურა.
