ნიკო ივანის ძე მუსხელიშვილი დაიბადა 1891 წლის 19 თებევალს ქალაქ თბილისში, სამხედრო ინჟინერის ივანე ლევანის ძე მუსხელიშვილის ოჯახში. მან საშუალო განათლება თბილისის მეორე გიმნაზიაში მიიღო, სადაც სწავლობდა 1901- 1909 წლებში. 1915 წლიდან 1920 წლამდე მუსხელიშვილი პეტროგრადის ნივერსიტეტსა და სხვა უმაღლეს სასწავლებლებში ასწავლიდა უმაღლეს მათემატიკას და მექანიკას.
ბიოგრაფია
ნიკოლოზ ივანეს- ძე მუსხელიშვილი დაიბადა 1891 წელს 16 თებერვალს ქალაქ თბილისში სამხედრო ინჟინრის ოჯახში. სწავლობდა თბილისის მეორე გიმნაზიაში. ნიკოლოზ მუსხელიშვილი 1909 წელს გაემგზავრა პეტერბურგში და პეტერბურგის უნივერსიტეტის ფიზიკა-მათემატიკის ფაკულტეტზე შევიდა. იგი ძალიან ნიჭიერი და შრომისმოყვარე სტუდენტი იყო, ამიტომაც უნივერსიტეტის დამთავრების შემდეგ 1914 წელს დატოვებული იქნა თეორიული მექანიკის კათედრაზე. იგი სხვადასხვა უნივერსიტეტებში ასწავლიდა უმაღლეს მათემატიკასა და მექანიკას. 1921 წელს დაბრუნდა თბილისში და ივანე ჯავახიშვილის მოწვევით მუშაობა დაიწყო თბილისის უნივერსიტეტში ჯერ დოცენტის, შემდეგ კი 1922 წლიდან პროფესორის თანამდებობაზე.
მუსხელიშვილს ფუძემდებლური გამოკვლევები აქვს დრეკადობის თეორიაში. მან შემოიღო მრავალი მეთოდი, რომელსაც წარმატებით იყენებენ მათემატიკის სხვა დარგებშიც, თეორიულ ფიზიკასა და მექანიკაში. მისი ნაშრომები გამოცემული და თარგმნილია მრავალ ენაზე.
ნიკოლოზ მუსხელიშვილი იყო საზოგადო და სახელმწიფო მოღვაწე, საბჭოთა კავშირის მეცნიერებათა აკადემიის აკადემიკოსი და პრეზიდიუმის წევრი, საქართველოს მეცნიერებათა აკადემიის ერთ-ერთი დამფუძნებელი და პირველი პრეზიდენტი, საპატიო პრეზიდენტი, სოციალისტური შრომის გმირი, თბილისის სახელმწიფო უნივერსიტეტის პროფესორი. ანდრია რაზმაძის სახელობის მათემატიკის ინსტიტუტის დირექტორი. დაჯილდოებულია სხვადასხვა ორდენებით და მედლებით, აგრეთვე ორი უცხოური ორდენით. ნიკოლოზ მუსხელიშვილი 1976 წლის 16 ივლისს გარდაიცვალა. დაკრძალულია მთაწმინდის პანთეონში. ჰყავდა მეუღლე-თამარ ნიკოლაძე.