მიმდინარე წლის თებერვალში ზოგადსაგანმანათლებლო დაწესებულებებმა საქართველოს განათლების, მეცნიერებისა და ახალგაზრდობის სამინისტროდან მიიღეს ეროვნული სასწავლო გეგმის გადამუშავებული საგნობრივი სტანდარტები განხილვისა და უკუკავშირის მიღების მიზნით. თავდაპირველად დოკუმენტის პირველადი ვერსიები მასწავლებლებმა სკოლა-გიმნაზიის კათედრებზე განიხილეს.
ქიმიის სტანდარტის განსახილველად, სკოლა-გიმნზიის ქიმიის წამყვანი მასწავლებლის, ნელი ნაოჭაშვილის მოწვევით სამუშაო შეხვედრაზე შეიკრიბნენ ქ. გორის N6, სოფლების შინდისისა და საქაშეთის საჯარო სკოლების ქიმიის მასწავლებლები, რომლებმაც ერთმანეთს გაუზიარეს საკუთარი გამოცდილება, პუნქტობრივად განიხილეს სტანდარტი, შეაჯერეს მოსაზრებები და მოამზადეს უკუკავშირის სამინისტროში გადასაგზავნად.