9 დეკემბერს, წმ. დიდმოწამე ქეთევან დედოფლის სახელობის III კლასში ჩატარდა ღია გაკვეთილი ქართულ ენასა და ლიტერატურაში, თემაზე: „ჯადოსნური სიტყვა“ (მასწავლებელი ცისია ვანიშვილი). მოსწავლეებმა დამოუკიდებლად იმუშავეს უცხო ტექსტზე და წინასწარ შედგენილი სათაურების მიხედვით მოძებნეს და იპოვეს შესაბამისი მონაკვეთები, გააკეთეს პრეზენტაცია, გამოხატეს საკუთარი დამოკიდებულება ტექსტის შინაარსთან დაკავშირებით. მესამეკლასელებმა შეასრულეს გრამატიკული დავალებები, გაკვეთილი კი შეაჯამეს სიტყვების დასახელებით, რომლებიც ხელს უწყობენ კარგი ურთიერთობის ჩამოყალიბებას თანატოლებთან და უფროსებთან. მათ ხალისით იმუშავეს ჯგუფებში და წარმატებით გაართვეს თავი ყველა სამუშაოს.
