ღირსი მამა გიორგი მთაწმინდელის გორის გიმნაზიაში სასწავლო წელი, ტრადიციულად, 14 სექტემბერს, საეკლესიო ახალ წელს იწყება. 2018-2019 სასწავლო წელს გიმნაზიაში
540-მდე მოსწავლემ დაიწყო სწავლა. მოსწავლეებს ორივე სასწავლო კორპუსში განახლებული გარემო დახვდათ. დაწყებითი კლასები კი განახლებული პროგრამებით შეუდგნენ სწავლას. გიმნაზიის რექტორმა, გორისა და ატენის მიტროპოლიტმა ანდრიამ გიმნაზიაში მოღვაწე სამღვდელოებასთან ერთად სადღესასწაულო პარაკლისი გადაიხადა, მოსწავლეებსა და მათ მშობლებს სასწავლო წლის დაწყება მიულოცა და შემდეგ გიმნაზიის აღმასრულებელ დირექტორთან, დეკანოზ ბორისთან ერთად პირველკლასელები დალოცა.
