სასწავლო წლის დასასრულს, ღირსი მამა გიორგი მთაწმინდელის გორის სკოლა-გიმნაზისაბუნებისმეტყველო კათედრამ და ნორჩ მკვლევართა კლუბის წევრებმა, არც ამჯერად უღალატეს ტრადიციას და სწავლის დამთავრება საინტერესოდ აღნიშნეს. მეცნიერება სახალისოა - ამ მოწოდებით 7 ივნისს დილიდანვე შეუდგნენ მოსწავლეები ეზოს გალამაზებასა და მოწყობას.
კლუბის წევრებმა ბევრი სახალისო აქტივობა ჩაატარეს გიმნაზიელთათვის. წელს ცალკე იქნა მოწყობილი კუთხე სადაც კლუბის წევრები სთავაზობდნენ დამთვარიელებლებს თუ როგორ უნდა გაერჩიათ ნამდვილი და ფალსიფიცირებული კვების პროდუქტები, კერძოდ თაფლი და რძის პროდუქტები. ღონისძიების ერთ-ერთი სახალისო აქტივობა როგორც დაწყებითი, ასევე მაღალი კლასის მოსწავლეებისთვის იყო სააზროვნო კითხვების გამოცნობა. დადებითი პასუხის შემთხვევაში მოსწავლეები ნუგბარს იმსახურებდნენ. საბუნებისმეტყველო კლუბის მიერ მოწყობილმა ღონისძიებამ მონაწილეთა დიდი ინტერესი გამოიწვია და მოსწავლეთა აქტიურობითა და ხალისით ჩატარდა.
