ფესტივალის ჩატარების თარიღი: 2024 წლის 10-11 იანვარი,

ფესტივალის ჩატარების ადგილი: ღირსი მამა გიორგი მთაწმინდელის გორის გიმნაზია - ქ. გორი, სამეფო ქ. # 5;

ფესტივალის მიზანი:  ქრისტეშობის დღესასწაულის სიხარულის აღსაქმელად, მოზარდებში რწმენის გასაძლიერებლად

და ცხოვრების ჯანსაღი წესის დასამკვიდრებლად გარემოს შექმნა მოსწავლეთა საკონფერენციო

გამოსვლებით,  კონკურსებით,  სპორტული  ასპარეზობით,  ხელნაკეთი   ნამუშევრების

გამოფენებითა და თვითშემოქმედების წარდგენით.

2023 წლის 23 დეკემბერს, წმ. მთავარეპისკოპოს გაბრიელის სახელობის ll კლასში, საახალწლო თამაშები ჩატარდა (კლასის ხელმძღვანელი ცირა ზაბილონი). ხუთ ჯგუფში გაერთიანებული მოსწავლეები ხალისით ჩაერთნენ ახალი წლისა და ქრისტეშობის თემატიკასთან დაკავშირებულ სხვადასხვა თამაშებში.

25 ნოემბერს, გიმნაზიის მე-5, მე-6, მე-7 და მე-11 კლასის 11 მოსწავლე მონაწილეობდა RocoAcademy-ის ორგანიზებით გამართულ HOUR OF CODE 2023-ის ოლიმპიადის პირველი შესარჩევი ტურში შიდა ქართლში, რომელიც სოფელ ბებნისის საჯარო სკოლაში ჩატარდა (მასწავლებელი გიული ბუთხუზი).

11-12 დეკემბერს, გორის შოთა ჩოჩიშვილის სახელობის კომპლექსური სპორტული სკოლის დარბაზში ჩატარდა სასკოლო სპორტული ოლიმპიადის მუნიციპალური ეტაპის ფინალური შეხვედრები კალათბურთში (3X3).

30 ოქტომბერს წმ. მეფე ვახტანგ გორგასლის სახელობის მე-3 კლასის მოსწავლეებმა (კლასის ხელმძღვანელი და ბუნებისმეტყველების მასწავლებელი ია ჯალალი) გიმნაზიის სააქტო დარბაზში წარმოადგინეს კომპოზიცია „შემოდგომის ამბები",

18 ოქტომბერს, ღირსი მამა გრიგოლ ხანძთელის და კლარჯეთის უდაბნოს ღირსთა მამათა და დედათა ხსენების დღეს, გორისა და ატენის მიტროპოლიტმა ანდრიამ ღამისთევის სადღესასწაულო მსახურება აღავლინა ყოვლადწმინდა ღვთისმშობლის შობის გორის საკათედრო ტაძარში.

არაფორმალური განათლება იძლევა არა მხოლოდ ცოდნას, რამედ ისეთ უნარებს, რაც ცხოვრების გზაზე მრავალმხრივ მნიშვნელოვანია. ბუნებისმცოდნეობის გაკვეთილებზე მეექვსეკლასელები, თემაში „ორგანიზმი მთლიანობაა“, სწავლობენ კბილების აგებულებას და მათ მნიშვნელობას (მასწავლებელი ელენე თვაური).

საგანგებო სიტუაციების დროს გიმნაზიაში მოსწავლეთა უსაფრთხოებისა და საზოგადოებრივი წესრიგის დაცვის მიზნით მასწავლებლები, კლასების ხელმძღვანელები მოსწავლეებს აცნობენ ქცევის წესებს, ასევე გეგმავენ და ახორციელებენ ღონისძიებებს, რომლებიც მოზარდებს გამოუმუშავებს საგანგებო სიტუაციებში მოქმედების უნარს, ასწავლის ზრუნვას როგორც საკუთარ თავზე, ასევე მათ გვერდით მყოფ ადამიანზე. 2023 წლის 9 ოქტომბერს გიმნაზიაში ჩატარდა სიმულაციური თამაში - მეექვსე კლასელებმა შეისწავლეს გიმნაზიის მეორე სართულის საევაკუაციო გეგმა, მოიძიეს ხანძრის დროს გამოსაყენებელი ინვენტარის განთავსების ადგილი, მიმანიშნებელი დაფები და საევაკუაციო გასასვლელები. გიმნაზიაში უსაფრთხოებაზე პასუხისმგებელი პირის ნიშანზე მოსწავლეებმა აირჩიეს უმოკლესი გზა საევაკუაციო გასასვლელამდე და სახანძრო კიბით დაეშვნენ ეზოში „უსაფრთხო ადგილზე“ შესაკრებად. მოსწავლეები ხალისით ჩაერთვნენ თამაშში და გამოავლინეს ექსტრემალურ პირობებში მეგობრების თანადგომის უნარი.